കൊച്ചി: തളിപ്പറമ്പ് ടാഗോര്‍ വിദ്യാനികേതന്‍ ഗവ.ഹയര്‍സെക്കന്‍ഡറി സ്‌കൂളിലെ പ്രധാനാധ്യാപകന്‍ ഇ.പി.ശശിധരന്റെ ആത്മഹത്യയുമായി ബന്ധപ്പെട്ട കേസില്‍ തളിപ്പറമ്പ് എം.എല്‍.എ ജെയിംസ് മാത്യുവിനെതിരായി ചുമത്തിയ ആത്മഹത്യാപ്രേരണക്കുറ്റം ഹൈക്കോടതി റദ്ദാക്കി. ജെയിംസ് മാത്യുവിനെതിരായ ആത്മഹത്യാ പ്രേരണക്കുറ്റം നിലനില്‍ക്കില്ലെന്ന് കണ്ടെത്തിയാണ് ഹൈക്കോടതി സിംഗിള്‍ ബെഞ്ചിന്റെ നടപടി. സ്‌കൂളിലെ അധ്യാപകനായിരുന്ന ഷാജിക്കെതിരെയുള്ള കേസും റദ്ദാക്കിയിട്ടുണ്ട്.

2014 ഡിസംബര്‍ 15നാണ് ഇ.പി.ശശിധരനെ കാസര്‍കോട്ടെ ഒരു ലോഡ്ജില്‍ ആത്മഹത്യചെയ്ത നിലയില്‍ കണ്ടെത്തിയത്. ആത്മഹത്യാക്കുറിപ്പില്‍ ജെയിംസ് മാത്യുവിന്റെ പേരുണ്ടെന്ന് ചൂണ്ടിക്കാട്ടിയാണ് അദ്ദേഹത്ത കേസില്‍ രണ്ടാം പ്രതിയാക്കി പൊലിസ് എഫ്‌ഐ.ആര്‍ രജിസ്റ്റര്‍ ചെയ്തത്.