ചേളാരി: സുപ്രഭാതം അഞ്ചാം വാര്‍ഷിക കാംപയിന്‍ വിജയിപ്പിക്കാന്‍ മദ്‌റസ മാനേജ്‌മെന്റ് കമ്മിറ്റികള്‍ രംഗത്തിറങ്ങണമെന്ന് ചേളാരി സമസ്താലയത്തില്‍ ചേര്‍ന്ന സമസ്ത കേരള മദ്‌റസ മാനേജ്‌മെന്റ് അസോസിയേഷന്‍ പ്രവര്‍ത്തക സമിതിയോഗം അഭ്യര്‍ഥിച്ചു. സമസ്ത പൊതുപരീക്ഷയില്‍ ടോപ് പ്ലസ് നേടിയവരെ ആദരിക്കുന്ന ചടങ്ങ് ജില്ലാ അടിസ്ഥാനത്തില്‍ നടത്തും. പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനായി. 

ഡോ. ബഹാഉദ്ദീന്‍ മുഹമ്മദ് നദ്‌വി, കെ.എം അബ്ദുല്ല മാസ്റ്റര്‍, കെ. മോയിന്‍കുട്ടി മാസ്റ്റര്‍, കെ.പി.പി തങ്ങള്‍, കെ.കെ.എസ് തങ്ങള്‍, കെ.പി കോയ, എം.എ ഖാദര്‍, കെ.എം കുട്ടി, കെ.എച്ച് കോട്ടപ്പുഴ, എ.പി.പി തങ്ങള്‍, എ.കെ.കെ മരക്കാര്‍, അഡ്വ.അബ്ദുന്നാസിര്‍, കെ. ശരീഫ്കുട്ടി ഹാജി, മുഹമ്മദ് റഫീഖ് ഹാജി ചര്‍ച്ചയില്‍ പങ്കെടുത്തു.