തുവ്വൂര്‍: പ്രതിഷേധങ്ങള്‍ക്കിടയില്‍ തുവ്വൂരിലെ മാവേലി സ്‌റ്റോര്‍ പൊലിസ് അകമ്പടിയില്‍ മാറ്റി. കമാനത്തില്‍ നിന്നു 200 മീറ്റര്‍ അകലെ തെക്കുംപുറം റോഡിലെ മൈത്രി ടവറിലേക്കാണ് മാറ്റിയത്. അങ്ങാടിയില്‍ സഹകരണ ബാങ്കിന്റെ കെട്ടിടത്തില്‍ പ്രവര്‍ത്തിച്ചിരുന്ന മാവേലി സ്റ്റോര്‍ ബുധനാഴ്ച മാറ്റുന്നത് നാട്ടുകാര്‍ തടഞ്ഞിരുന്നു,
തുടര്‍ന്നാണ് ഇന്നലെ എസ്.ഐ പി.ജോതീന്ദ്രകുമാറിന്റെ നേതൃത്വത്തിലുള്ള പൊലിസ് അകമ്പടിയോടെ മാറ്റിയത്. സര്‍വിസ് സഹകരണ ബാങ്കിന്റെ കെട്ടിടത്തില്‍ പ്രവൃത്തിച്ചിരുന്ന മാവേലി സ്റ്റോര്‍ എത്തിപ്പെടാന്‍ പ്രയാസമായ മറ്റൊരു കെട്ടിടത്തിലേക്ക് മാറ്റുന്നു എന്നാരോപിച്ചായിരുന്നു മാവേലി സ്റ്റോര്‍ മാറ്റുന്നത് നാട്ടുകാര്‍ തടഞ്ഞത്.