കൊടുവള്ളി: നിര്‍ണായകമായ ലോകസഭ തെരഞ്ഞെടുപ്പില്‍ ബി.ജെ.പിയെ സഹായിക്കുന്ന നിലപാട് സി.പി.എം തിരുത്തണമെന്ന് മുസ്‌ലിം ലീഗ് ഉന്നതാധികാര സമിതി അംഗം പാണക്കാട് സയ്യിദ് സാദിഖലി ശിഹാബ് തങ്ങള്‍ പറഞ്ഞു. സംഘ് പരിവാര്‍ ശക്തികളെ തുരത്താന്‍ കോണ്‍ഗ്രസും ഘടകകക്ഷികളും കഠിനാദ്ധ്വാനം ചെയ്യുമ്പോള്‍ നിസാരകാര്യങ്ങള്‍ പറഞ്ഞ് സി.പി.എം കോണ്‍ഗ്രസിനെ എതിര്‍ക്കുകയാണെന്ന് തങ്ങള്‍ സൂചിപ്പിച്ചു. കൊടുവള്ളി വെണ്ണക്കാട് നടന്ന യു.ഡി.എഫ് കുടുംബ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പി.പി മൊയ്തീന്‍ കുട്ടി അധ്യക്ഷനായി. അഷ്‌ക്കര്‍ ഫറോഖ് മുഖ്യ പ്രഭാഷണം നടത്തി. ജില്ലാ ലീഗ് ജനറല്‍ സെക്രട്ടറി എം.എ റസാഖ് , മണ്ഡലം യു.ഡി.എഫ് ചെയര്‍മാന്‍ വി.എം ഉമ്മര്‍, ജനറല്‍ കണ്‍വീനര്‍ സി.ടി.ഭരതന്‍, ടി.കെ മുഹമ്മദ്, വി.സിയാലിഹാജി, പി.കെ സുലൈമാന്‍, വി.കെ അബ്ദുഹാജി, ടി.മൊയ്തീന്‍കോയ, യുസുഫ് പടനിലം ,കെ.കെ.എ ഖാദര്‍, സി.പി റസാഖ്, എം.നസീഫ്, കെ.പി മുഹമ്മദന്‍സ്, സി.പി റഷീദ്, സി.കെ.അബ്ബാസ് പ്രസംഗിച്ചു.