മോസ്‌കോ: ലോകകപ്പില്‍ ഏറ്റവും കൂടുതല്‍ ചര്‍ച്ച ചെയ്ത താരമായി ക്രൊയേഷ്യയുടെ ഇവാന്‍ പെരിസിച്ച്. ക്രൊയേഷ്യന്‍ ടീമിനെ ഫൈനല്‍ വരെ എത്തിക്കുന്നതില്‍ നിര്‍ണായക പങ്ക് വഹിച്ചത് ലൂക്കാ മോഡ്രിച്ചാണെങ്കിലും നിര്‍ണായ ഘട്ടങ്ങളില്‍ ടീമിനെ രക്ഷിക്കാന്‍ പെരിസിച്ചിന് മാത്രമേ കഴിഞ്ഞിട്ടുള്ളു. ഫൈനലില്‍ ഫ്രാന്‍സ് ഒരു ഗോളിന് മുന്നിട്ട് നിന്നപ്പോള്‍ മറുപടി ഗോള്‍ നേടി ക്രൊയേഷ്യയെ മത്സരത്തിലേക്ക് തിരിച്ചു കൊണ്ട് വന്നത് പെരിസിച്ചായിരുന്നു. ക്രൊയേഷ്യക്ക് വേണ്ടി മൂന്ന് നിര്‍ണായകമായ ഗോളുകള്‍ നേടാനും പെരിസിച്ചിനായി. രണ്ട് കളികളില്‍ മികച്ച താരത്തിനുള്ള അവാര്‍ഡും പെരിസിച്ച് സ്വന്തമാക്കി. മൈതാനത്ത് നിറഞ്ഞു നിന്ന പെരിസിച്ചാണ് ലോകകപ്പില്‍ ഏറ്റവും കൂടുതല്‍ ദൂരം ഓടിയ താരം. 72 കിലോമീറ്ററാണ് ഫൈനല്‍ വരെയുള്ള മത്സരങ്ങളില്‍ പെരിസിച്ച് ഓടിത്തീര്‍ത്തത്. 638 മിനുട്ട് ക്രൊയേഷ്യക്ക് ഗ്രൗണ്ടില്‍ ചിലവഴിക്കാനും പെരിസിച്ചിനായി. നിര്‍ണായ നിമിഷത്തില്‍ താരത്തിന്റെ കൈ തട്ടി പെനാല്‍റ്റി വിധിച്ചതൊഴിച്ചാല്‍ റഷ്യന്‍ ലോകകപ്പില്‍ ഏറ്റവും ചര്‍ച്ച ചെയ്യപ്പെട്ടതും ഏറ്റവും മികച്ച താരങ്ങളിലൊരാളാണ് ഇവാന്‍ പെരിസിച്ചെന്നാണ് വിലയിരുത്തലുകള്‍.