ലണ്ടന്‍: ഐസ്‌ലന്റ് ടീം പരിശീലകന്‍ ഹെയ്മിര്‍ ഹാള്‍ഗ്രിംസണ്‍ രാജിവെച്ചു. 2011 ല്‍ സഹ പരിശീലകനായിട്ടായിരുന്നു ഹാള്‍ഗ്രിംസണ്‍ ഐസ്‌ലന്റ് ടീമിലെത്തുന്നത്. അതിന് ശേഷം ടീമിനെ 2016 യൂറോ കപ്പില്‍ മികച്ച നിലയിലെത്തിച്ചു.
ഫുട്‌ബോള്‍ ടീം നിലവില്‍ വന്നതിന് ശേഷം ഐസ്‌ലന്റ് ടീമിനെ ആദ്യമായി ലോകകപ്പ് ഫുട്‌ബോളില്‍ പങ്കെടുപ്പിക്കാനും ഹാള്‍ഗ്രിംസിനായി. സ്ത്യുത്യര്‍ഹമായ സേവനത്തിന് ശേഷമായിരുന്നു ഹാള്‍ഗ്രിംസിന്റെ രാജി. 51 കാരനായ പരിശീലകന്‍ ഏഴ് വര്‍ഷം ടീമിനൊപ്പം ചിലവഴിച്ചിട്ടുണ്ട്. ദന്ത ഡോക്ടര്‍ കൂടിയായ പരിശീലകന്‍ സേവന മേഖലയില്‍ കൂടുതല്‍ ശ്രദ്ധിക്കാന്‍ വേണ്ടിയാണ് തത്കാലത്തേക്ക് ഫുട്‌ബോളില്‍ നിന്ന് രാജിവക്കുന്നത്. ടീമിനൊപ്പം ചേര്‍ന്ന സമയത്തെല്ലാം ടീമിനായി നന്നായി പ്രവര്‍ത്തിച്ചിട്ടുണ്ട്. ഏറ്റവും മികച്ച ടീമിനെയാണ് എനിക്ക് സേവനം ചെയ്യാന്‍ കിട്ടിയത്. അതില്‍ ഞാന്‍ അഭിമാനിക്കുന്നുണ്ടെന്നും ഹാള്‍ഗ്രിംസണ്‍ തന്റെ പ്രസ്താവനയില്‍ പറഞ്ഞു.