മലപ്പുറം: പ്രവാസി കൂട്ടായ്മയായ ഇമ മഞ്ചേരി ഗ്ലോബലിന്റെ കീഴില്‍ ആനക്കയം പെയിന്‍ ആന്‍ഡ് പാലിയേറ്റീവ് സെന്ററിനുളള സൗജന്യവാഹനം നാളെ വൈകീട്ട് മഞ്ചേരിയില്‍ മജീഷ്യന്‍ ഗോപിനാഥ് മുതുകാട് കൈമാറും.  താക്കോല്‍ദാനം നിയുക്ത എം.പി പി.കെ കുഞ്ഞാലിക്കുട്ടി നിര്‍വഹിക്കും. എം.എല്‍.എമാരായ അഡ്വ. എം ഉമര്‍, പി ഉബൈദുല്ല, പി.വി അന്‍വര്‍ തുടങ്ങിയവര്‍ പങ്കെടുക്കും. മഞ്ചേരി നഗരസഭ, സമീപ പഞ്ചായത്തുകള്‍ എന്നിവയുടെ വിവിധ ഗള്‍ഫ് നാടുകളിലെ കൂട്ടായമയാണിത്. മുന്‍വര്‍ഷങ്ങളില്‍ മഞ്ചേരി, കാരക്കുന്ന് പാലിയേറ്റീവ് ക്ലിനിക്കുകള്‍ക്കും സംഘടന സൗജന്യ വാഹനം കൈമാറിയിരുന്നു.
വാര്‍ത്താസമ്മേളനത്തില്‍ ഭാരവാഹികളായ അബ്ദുനാസര്‍ ചിറക്കല്‍, കെ.എം ജമാലുദ്ദീന്‍, ഇ.എം മുസ്തഫ, ടി സക്കീര്‍, രാജേഷ് കൂപ്പിലാട്ടില്‍ പങ്കെടുത്തു.