റിയാദ്: സഊദി തലസ്ഥാന നഗരിയില്‍ വന്‍ അഗ്നിബാധ. റിയാദിലെ അല്‍ സുലൈ ജില്ലയിലാണ് അഗ്നിബാധയുണ്ടായത്. പ്ലാസ്റ്റിക് ഉല്‍പ്പന്ന കമ്പനിയുടെ ഗോഡൗണില്‍ ഒന്നിന് തീപിടിച്ചാണ് പടര്‍ന്നു പിടിച്ചത്. തീപിടുത്തത്തില്‍ പരുക്കോ ആളപായമോ റിപ്പോര്‍ട്ട് ചെയ്യപ്പെട്ടിട്ടില്ല.

സഊദി സിവില്‍ ഡിഫന്‍സിന്റെയും അഗ്നിശമന വിഭാഗവും മൂന്നു മണിക്കൂര്‍ നീണ്ട കഠിന പരിശ്രമങ്ങള്‍ക്കൊടുവിലാണ് തീ നിയന്ത്രണവിധേയമാക്കിയത്. തീയണക്കാന്‍ ഹെലികോപ്റ്ററുകളുടെ സഹായവും തേടിയിരുന്നു. സഊദി സിവില്‍ ഡിഫന്‍സ് മേധാവി ജനറല്‍ സുലൈമാന്‍ അല്‍അംറ് സ്ഥലത്ത് നേരിട്ടെത്തി അഗ്നിശമന സേനയുടെ പ്രവര്‍ത്തനങ്ങള്‍ വിലയിരുത്തി.