പുത്തനത്താണി: ആതവനാട് പഞ്ചായത്തിലെ മാട്ടുമ്മല്‍-ചോറ്റൂര്‍ നരിമടക്ക് സമീപം രാത്രി കാലങ്ങളില്‍ മദ്യപാനികളുടെ ശല്യം രൂക്ഷം. വഴിയാത്രക്കാര്‍ക്കും മറ്റും ഇതുവലിയ പ്രയാസം സൃഷ്ടിക്കുന്നു.
വൈകുന്നേരങ്ങളില്‍ വിദൂര ദിക്കുകളില്‍ നിന്നു വാഹനങ്ങളിലും മറ്റുമെത്തി മദ്യം കഴിക്കുന്നതിനു നരിമടക്കു സമീപത്തെ കുന്നിന്‍ ചെരുവുകളില്‍ തമ്പടിക്കുന്നു. ഇതു കാരണം ഇതിലൂടെ പോകുന്ന കാല്‍നട യാത്രക്കാര്‍ക്കും മറ്റും വലിയ പ്രയാസങ്ങള്‍ അനുഭവിക്കുന്നതായി ആതവനാട് ഗ്രാമപഞ്ചായത്ത് ഏഴാം വാര്‍ഡ് ഗ്രാമസഭയില്‍ വാര്‍ഡിലെ ജനങ്ങളുടെ പരാതി ഉയര്‍ന്നു. ഈ പ്രദേശത്ത് തെരുവ് വിളക്കുകളില്ലാത്തത് ഇത്തരക്കാര്‍ക്ക് വലിയ അനുഗ്രഹമാണ്. അത് കൊണ്ട് എത്രയും വേഗം പ്രദേശത്ത് തെരുവുവിളക്ക് സ്ഥാപിക്കുവാന്‍ നടപടി സ്വീകരിക്കണമെന്ന് നാട്ടുകാര്‍ ഗ്രാമ സഭയില്‍ ആവശ്യപ്പെട്ടു.