ന്യൂഡല്‍ഹി: 15 അവധി ദിവസങ്ങള്‍ റദ്ദാക്കാനുള്ള ഉത്തര്‍പ്രദേശ് സര്‍ക്കാറിന്റെ തീരുമാനത്തെ പുകഴ്ത്തി ആം ആദ്മി പാര്‍ട്ടി.  ഡല്‍ഹി ഉപമുഖ്യമന്ത്രിയും ആം ആദ്മി നേതാവുമായ മനീഷ് സിസോദിയയാണ് യോഗി സര്‍ക്കാറിന്റെ തീരുമാനത്തെ പ്രകീര്‍ത്തിച്ച് രംഗത്തെത്തിയത്.

നല്ല തീരുമാനമാണ് ഉത്തര്‍പ്രദേശ് സര്‍ക്കാര്‍ എടുത്തതെന്ന് അദ്ദേഹം ട്വീറ്റു ചെയ്തു.  മറ്റു രാജങ്ങളില്‍ നിന്നും കാര്യങ്ങള്‍ പഠിക്കാന്‍ നാം സദാ സന്നദ്ധരാവേണ്ടതുണ്ട്. യു.പിയെ മാതൃകയാക്കി ഡല്‍ഹി സര്‍ക്കാറും അവധി ദിനങ്ങള്‍ വെട്ടികുറക്കും - സിസോദിയ ട്വിറ്ററില്‍ കുറിച്ചു.


ഡല്‍ഹിയില്‍ 20 അവധി ദിവസങ്ങളാണ് ഉള്ളത്. ഇതില്‍ മൂന്ന് അവധി ദിനങ്ങളാണ് പ്രമുഖ വ്യക്തികളുടെ ജന്മദിനത്തിനായി നല്‍കുന്നത്. യു.പിയില്‍ ആകെയുണ്ടായിരുന്ന അവധി ദിനങ്ങളില്‍ 17 എണ്ണമാണ് പുന:പരിശോധനക്ക് വിധേയമാക്കിയത്.