കയ്പമംഗലം: ഇന്നസെന്റിന്റെ വിജയത്തിനായി കലാജാഥയുമായി ഡി.വൈ.എഫ്.ഐ. സമകാലിക രാഷ്ട്രീയ സംഭവങ്ങളും കോണ്‍ഗ്രസ് ബി.ജെ.പി സര്‍ക്കാരുകളോടുള്ള പ്രതിഷേധവും കലാരൂപത്തിലാക്കിയാണ് ജാഥ. ചാക്യാര്‍ കൂത്തും നാടന്‍ പാട്ടും തെരുവുനാടകവുമായാണ് അവതരണം. ഡി.വൈ.എഫ്.ഐ. ചാലക്കുടി പാര്‍ലമെന്റ് മണ്ഡലം കമ്മിറ്റിയാണ് സംഘാടകര്‍.
ആറ് ദിവസങ്ങളിലായി ചാലക്കുടി മണ്ഡലത്തില്‍ പര്യടനം നടത്തുന്ന ജാഥ ബുധനാഴ്ച കയ്പമംഗലത്തെത്തി. ചെന്ത്രാപ്പിന്നിയില്‍ നിന്നും ആംരഭിച്ച ജാഥ കാളമുറി, പെരിഞ്ഞനം, മതിലകം എന്നിവിടങ്ങളില്‍ പര്യടനം നടത്തി രാത്രി എട്ട് മണിയോടെ എറിയാണ് ചേരമാന്‍ സെന്ററില്‍ സമാപിച്ചു. ജില്ലാ കമ്മിറ്റിയംഗങ്ങളായ രമ്യ വിജിത്ത്, സോന കരീം എന്നിവര്‍ നേതൃത്വം നല്‍കി