കോഴിക്കോട്: സാഹസികമായ കയാക്കിങ് മത്സരം അപകടം കൂടാതെ നടത്താന്‍ ചുക്കാന്‍ പിടിക്കുന്നത് നേപ്പാളിലെ വൈറ്റ് വാട്ടര്‍ റെസ്‌ക്യൂ ടെക്‌നിഷ്യന്‍ ചന്ദ്ര അഡായ്. വിദേശത്തുനിന്ന് വൈറ്റ് വാട്ടര്‍ റെസ്‌ക്യൂ ടെക്‌നിഷ്യന്‍ കോഴ്‌സ് പഠിച്ച ഇദ്ദേഹം കേരളത്തില്‍ നിന്നുള്ള താരങ്ങളെയും പരിശീലിപ്പിക്കും.
രാത്രിയിലും പകലിലും കുത്തൊഴുക്കുള്ള പാറക്കെട്ടുകള്‍ നിറഞ്ഞ പുഴയില്‍ എങ്ങനെ രക്ഷാപ്രവര്‍ത്തനം നടത്താമെന്നാണു പരിശീലനം.
പഴ്‌സനല്‍ ഫ്‌ളോട്ടേഷന്‍ ഡിവൈസ് (പി.എഫ്.ഡി) എന്ന ലൈഫ് ജാക്കറ്റാണു പരിശീലകരുടെ പ്രധാന ഉപകരണം. ബോട്ട് മറിഞ്ഞാല്‍ അപകടം കൂടാതെ നീന്തിക്കയറാനും പഠിപ്പിക്കും.
പാറക്കെട്ടുകള്‍ നിറഞ്ഞ പുഴയിലെ പരിശീലനം താരങ്ങള്‍ക്ക് നേട്ടമാകുമെന്നാണ് ഇദ്ദേഹത്തിന്റെ അഭിപ്രായം. ഇന്ത്യയില്‍ ഇത്തരത്തില്‍ രക്ഷാമാര്‍ഗങ്ങള്‍ക്കായുള്ള കോഴ്‌സ് നടത്തുന്നില്ല.