ഇരിങ്ങാലക്കുട: വിഷുദിനത്തില്‍ അമ്മയെ മകന്‍ തീ വച്ച് കൊല്ലാന്‍ ശ്രമിച്ചു. തിങ്കളാഴ്ച്ച ഉച്ചയ്ക്ക് 11 മണിയ്ക്കാണ് നാടിനെ ഞെട്ടിച്ച് കൊലപാതക ശ്രമം നടന്നത്. കുടുംബ വഴക്കിനെ തുടര്‍ന്ന് വെസ്റ്റ് കോമ്പാറ സ്വദേശിനി ലീല (53) യെ മകന്‍ വിഷ്ണു (24) മണ്ണെണ്ണയൊഴിച്ച് തീകൊളുത്തുകയായിരുന്നു.
ഗുരുതരമായി പൊള്ളലേറ്റ ലീലയെ തൃശൂര്‍ മെഡിക്കല്‍ കോളജ് ആശുപത്രയില്‍ പ്രവേശിപ്പിച്ചു. ലീലയുടെ ശരീരത്തില്‍ 50 ശതമാനത്തിലധികം പൊള്ളലേറ്റിട്ടുണ്ട്.
ഇരിങ്ങാലക്കുട പൊലിസ് വിഷ്ണുവിനെ അറസ്റ്റ് ചെയ്തു.