വിഴിഞ്ഞം : ബൈക്ക് വൈദ്യുതി  പോസ്റ്റില്‍ ഇടിച്ചുണ്ടായ അപകടത്തില്‍   യുവാവിന് ഗുരുതര പരുക്ക്.  കരുംകുളം വലവീശി കാണി പുരയിടത്തില്‍ ജെബിന്‍ (21)നാണ് പരുക്കേറ്റത്. ഇയാളെ   തിരുവനന്തപുരം   മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കല്ലുമുക്ക് ഭദ്രകാളി ക്ഷേത്രത്തിനു  സമീപം ഇന്നലെ വൈകുന്നേരമായിരുന്നു അപകടം. പൂവാറില്‍ നിന്നും  വിഴിഞ്ഞത്തേക്ക് വരികയായിരുന്ന കെ. എസ്. ആര്‍. ടി. സി ബസിനെ ഓവര്‍ടേക്ക്   ചെയ്യാന്‍ ശ്രമിക്കുന്നതിനിടെ നിയന്ത്രണം വിട്ട ബൈക്ക് വൈദ്യുതി പോസ്റ്റില്‍  ഇടിക്കുകയായിരുന്നു. ഇടിയുടെ ആഘാതത്തില്‍ പോസ്റ്റ് ഒടിഞ്ഞ് നിലത്തു വീണു.  ബൈക്കിന്റെ മുന്‍ഭാഗം പൂര്‍ണമായി തകര്‍ന്നു.  വിഴിഞ്ഞം പൊലിസ് കേസെടുത്തു.