കൊളംബോ: ശ്രീലങ്കയില്‍ ഭരണകക്ഷിയായ രജപക്‌സെ സഹോദരന്മാരുടെ പാര്‍ട്ടിക്ക് വമ്പന്‍ ഭൂരിപക്ഷത്തോടെ തെരഞ്ഞെടുപ്പ് വിജയം. മൂന്നില്‍ രണ്ട് ഭൂരിപക്ഷത്തോടെയാണ് ശ്രീലങ്ക പൊതുജന പാര്‍ട്ടി (എസ്.എല്‍.പി.പി) യുടെ വിജയം.

225 അംഗ സഭയില്‍ 145 സീറ്റുകളിലും പ്രധാനമന്ത്രി മഹീന്ദ രജപക്‌സെ പക്ഷം വിജയിച്ചു. ഒപ്പം അഞ്ച് സഖ്യകക്ഷികളുടെ പിന്തുണയും സഭയിലുണ്ട്.

ഭരണഘടനാ മാറ്റം വരെ വാഗ്ദാനം ചെയ്താണ് രജപക്‌സെയുടെ പാര്‍ട്ടി വന്‍ ഭൂരിപക്ഷത്തോടെ വിജയിച്ചത്. നവംബറില്‍ നടന്ന തെരഞ്ഞെടുപ്പില്‍ മഹീന്ദയുടെ സഹോദരന്‍ ഗൊതാബായ പ്രസിഡന്റായി തെരഞ്ഞെടുക്കപ്പെട്ടിരുന്നു. ഇവരുടെ കുടുംബ ഭരണത്തിന് ആധിപത്യം നേടിക്കൊടുക്കുന്നതാണ് പുതിയ തെരഞ്ഞെടുപ്പ് വിജയം.