തൊടുപുഴ: സംസ്ഥാന ഹജ്ജ് കമ്മിറ്റി മുഖേന ഈവര്‍ഷം ഹജ്ജിന് പോവുന്നവര്‍ക്കുള്ള മൂന്നാംഘട്ട സാങ്കേതിക പരിശീലന ക്ലാസ് തൊടുപുഴ കാരിക്കോട് നൈാര്‍ പള്ളി മദ്രസ ഹാളില്‍ തൊടുപുഴ മുനിസിപ്പല്‍ വൈസ് ചെയര്‍മാന്‍ അഡ്വ. സി.കെ.ജാഫര്‍ ഉദ്ഘാടനം ചെയ്തു. സാങ്കേതിക പരിശീലന ക്ലാസിന് ജില്ലാ ഹജ്ജ് ട്രെയ്‌നര്‍ വി.കെ.അബ്ദുല്‍ റസാക്ക് നേതൃത്വം നല്‍കി. ഹാജിമാര്‍ക്കുള്ള ഹാറ്റ് കാര്‍ഡ് ,ഹജ്ജ് ഗൈഡ്, ലഗേജ് സ്റ്റിക്കര്‍, മഫ്ത സ്റ്റിക്കര്‍ എന്നിവയുടെ വിതരണവും നടന്നു. ഇമാം കൗണ്‍സില്‍ ചെയര്‍മാന്‍ കടയ്ക്കല്‍ അബ്ദുറഷീദ് മൗലവി, കാഞ്ഞാര്‍ അബ്ദുല്‍ ശുക്കൂര്‍ മൗലവി, കുടയത്തൂര്‍ അബ്ദുല്‍ റസാക്ക് മൗലവി, ഹജ്ജ് ട്രെയിനര്‍മാരായ അബ്ദുറഹ്മാന്‍ പുഴക്കര, അജിംസ്, ഹസൈനാര്‍, പരീത്, കാസിം പങ്കെടുത്തു.
ഹാജിമാര്‍ക്കുള്ള കുത്തിവയ്പ്പും പോളിയോ തുള്ളിമരുന്ന് വിതരണവും തൊടുപുഴ ജില്ലാ ആശുപത്രിയില്‍ നടത്തി. നഗരസഭ വൈസ് ചെയര്‍മാന്‍ അഡ്വ. സി കെ ജാഫര്‍ ഉദ്ഘാടനം ചെയ്തു.