കോഴിക്കോട്: ഇന്നലെ കരിപ്പൂരിലുണ്ടായ വിമാനാപകടത്തിൽ മരണപ്പെട്ടവരുടെ പേരിൽ സമസ്ത കേരള ജംഇയ്യത്തുൽ ഉലമാ പ്രസിഡണ്ട് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങൾ അനുശോചനം രേഖപ്പെടുത്തി.അപകടത്തെത്തുടർന്ന് മരണപ്പെട്ടവരുടെ കുടുംബത്തെ തങ്ങൾ അനുശോചനമറിയിക്കുകയും കുടുംബത്തിന് ശാന്തിയും സമാധാനവുമുണ്ടാവട്ടെയെന്ന് പ്രാർത്ഥിക്കുകയും ചെയ്തു. അപകടത്തിൽ പെട്ടവരെ രക്ഷപ്പെടുത്തുന്നതിന് അഭിനന്ദനാർഹം വിധം മുമ്പിൽ നിന്ന് പ്രവർത്തിച്ച നാട്ടുകാർ, പൊലിസ് - അഗ്നിശമന വിഭാഗങ്ങൾ, ആരോഗ്യ പ്രവർത്തകർ, സന്നദ്ധ പ്രവർത്തകർ, പ്രസ്ഥാന ബന്ധുക്കൾ തുടങ്ങിയവരുടെ സേവനങ്ങൾ മഹത്വരമാണെന്ന് തങ്ങൾ അനുസ്മരിച്ചു. ഇത്തരം അപകടങ്ങളെ ത്തൊട്ട് എല്ലാവരെയും അള്ളാഹു കാത്ത് രക്ഷിക്കട്ടെയെന്നും തങ്ങൾ പ്രാർത്ഥിച്ചു