കൊല്ലം: ഇടതുപക്ഷവും യു.ഡി.എഫും ഇഞ്ചോടിഞ്ച് പോരാട്ടം നടക്കുന്ന കൊല്ലം ലോക്‌സഭാ മണ്ഡലത്തില്‍ വീണ്ടും എല്‍.ഡി.എഫിനെതിരേ പരാതിയുമായി യു.ഡി.എഫ്.
യുഡിഎഫ് സ്ഥാനാര്‍ത്ഥി എന്‍ കെ പ്രേമചന്ദ്രന്റെ പ്രചാരണ വാഹനം തകര്‍ത്തുവെന്നാണ് പുതിയ പരാതി. . ചവറയില്‍ വച്ചാണ് വാഹനം തകര്‍ത്തത്. സംഭവത്തിനു പിന്നില്‍ പിന്നില്‍ സി.പിഎം പ്രവര്‍ത്തകരാണെന്നും യുഡിഎഫ് ആരോപിച്ചു.
സംഭവത്തില്‍ യുഡിഎഫ് ജില്ലാ നേതൃത്വം പൊലീസില്‍ പരാതി നല്‍കി.
നേരത്തെ യു.ഡി.എഫും എല്‍.ഡി.എഫും നല്‍കിയ പരാതികള്‍ക്ക് കഴിഞ്ഞ ദിവസമാണ് ജില്ലാ കലക്ടര്‍ പരാതികള്‍ക്ക് പരിഹാരം കണ്ടത്. അതിനു പിന്നാലെയാണ് പുതിയ പരാതിയെത്തിയിരിക്കുന്നത്.