പെരുമ്പാവൂര്‍: നിരോധിക ലഹരി ഉല്‍പ്പന്നങ്ങള്‍ വിതരണം നടത്തിയ കടയുടമയെ എക്‌സൈസ് പിടികൂടി. പെരുമ്പാവൂര്‍ പോഞ്ഞാശ്ശേരിയില്‍ കട നടത്തുന്ന പോഞ്ഞാശ്ശേരി ചിറ്റേത്തുകുടി വീട്ടില്‍ അബൂബക്കര്‍ (70)നെയാണ് പെരുമ്പാവൂര്‍ എക്‌സൈസ് റേഞ്ച് പാര്‍ട്ടി പിടികൂടി.
കടയില്‍ നിന്നും നൂറോളം ഹാന്‍സ് പാക്കറ്റുകള്‍  കണ്ടെടുത്തതായി എക്‌സൈസ് പറഞ്ഞു. പേപ്പറില്‍ പൊതിഞ്ഞ് പാക്കടറ്റുകളിലാക്കിയ ഹാന്‍സ് കടക്കുള്ളില്‍ ചാക്കില്‍ കെട്ടിയാണ് സൂക്ഷിച്ചിരുന്നത്. സ്‌കൂള്‍ വിദ്യാര്‍ഥികള്‍ക്കും അന്യസംസ്ഥാന തൊഴിലാളിക്കള്‍ക്കും ഇയാള്‍ ലഹരി വസ്തുക്കള്‍ വില്‍പ്പന നടത്തുന്നതായി കിട്ടിയ വിവരത്തിന്റെ അടിസ്ഥാനത്തിലായിരുന്നു പരിശോധന.
എക്‌സൈസ് ഇന്‍സ്‌പെക്ടര്‍ ടി.കെ ഗോപിയുടെ നേതൃത്വത്തില്‍ നടന്ന പരിശോധനയില്‍ അസി. എക്‌സൈസ് ഇന്‍സ്‌പെക്ടറായ മാര്‍ട്ടിന്‍, പ്രിവെന്റീവ് ഓഫീസറായ സാജു, സിവില്‍ എക്‌സൈസ് ഓഫീസര്‍മാരായ രാജേഷ്, എല്‍ദോ, അജയന്‍, വനിതാ സിവില്‍ എക്‌സൈസ് ഓഫീസര്‍ സുഗദ ബീവി എന്നിവരാണ് പരിശോധന നടത്തിയത്.