കല്‍പ്പറ്റ: മെയ് 2,3 തീയതികളില്‍ വാളാട് ഉമറലി തങ്ങള്‍ നഗറില്‍ നടക്കുന്ന എസ്.വൈ.എസ് ദ്വിദിന ജില്ലാ ക്യാംപിന് ജില്ലാ സെക്രട്ടറിയേറ്റ് അന്തിമരൂപം നല്‍കി. രണ്ടിന് വൈകിട്ട് മൂന്നിന് സ്വാഗതസംഘം ചെയര്‍മാന്‍ എ.കെ ഇബ്‌റാഹിം ഫൈസി പതാക ഉയര്‍ത്തുന്നതോടെ ക്യാംപ് ആരംഭിക്കും.
സമസ്ത പ്രസിഡന്റ് ജിഫ്‌രിമുത്തുക്കോയ തങ്ങള്‍ ഉദ്ഘാടനം നിര്‍വഹിക്കും.  കെ.ടി ഹംസ മുസ്‌ലിയാര്‍ അധ്യക്ഷനാവും. വി മൂസക്കോയ മുസ്‌ലിയാര്‍ പ്രാര്‍ഥന നടത്തും. പിണങ്ങോട് അബൂബക്കര്‍ മുഖ്യപ്രഭാഷണം നടത്തും. എസ് മുഹമ്മദ് ദാരിമി, എം.എം ഇമ്പിച്ചിക്കോയ മുസ്‌ലിയാര്‍, പി.സി ഇബ്‌റാഹിം ഹാജി, എം. മുഹമ്മദ് ബശീര്‍, ശൗക്കത്തലി വെള്ളമുണ്ട, പനന്തറ മുഹമ്മദ് സംസാരിക്കും.
തുടര്‍ന്ന് നടക്കുന്ന സെഷനില്‍ സി.എച്ച് ത്വയ്യിബ് ഫൈസി വിഷയമവതരിപ്പിക്കും. തുടര്‍ന്ന് ജാഗരണം സെഷനില്‍ സംഘടനാ പാര്‍ലിമെന്റ് നടക്കും. ഒരു വര്‍ഷത്തെ കര്‍മപദ്ധതികള്‍ രൂപപ്പെടുത്തും. മൂന്നിന് 5.30ന് സുപ്രഭാതം സെഷന് ഉമര്‍ ിെ വഫെസാളാട് നേതൃത്വം നല്‍കും. ഒന്‍പതിന് ആദര്‍ശം സെഷന് സമസ്ത സെക്രട്ടറി കൊയ്യോട് ഉമര്‍ മുസ്‌ലിയാര്‍ നേതൃത്വം നല്‍കും. 11ന് സംഘടനാ സെഷനില്‍ സെക്രട്ടറി കര്‍മ്മപദ്ധതി അവതരിപ്പിക്കും. 12.30ന് സമാപന ആത്മീയ സെഷനില്‍ മജ്‌ലിസുന്നൂറിന് കോഴിക്കോട് ഖാസി മുഹമ്മദ് കോയ ജമലുല്ലൈലി തങ്ങള്‍ നേതൃത്വം നല്‍കും.