തിരുവനന്തപുരം: അടുത്ത ദിവസങ്ങളിലും അതിതീവ്ര മഴ ലഭിക്കുമെന്ന് മുഖ്യമന്ത്രി പിണറായി വിജയന്‍ അറിയിച്ചു. ഉരുള്‍പൊട്ടലിനും മണ്ണിടിച്ചിലിനും സാധ്യതയുണ്ടെന്ന് കേന്ദ്ര മുന്നറിയിപ്പുണ്ട്. ഇന്ന് കണ്ണൂര്‍, വയനാട് കോഴിക്കോട്, മലപ്പുറം ഇടുക്കി ജില്ലകളിലാണ് റെഡ് അലര്‍ട്ട്.

നാളെ ഇടുക്കി, മലപ്പുറം വയനാട് ജില്ലകളില്‍ റെഡ് അലര്‍ട്ട്. 24 മണിക്കൂറില്‍ 204.5 മിമീ മഴ ലഭിക്കാന്‍ സാധ്യതയുണ്ട്. നാളെ ഓറഞ്ച് അലര്‍ട്ട് കോഴിക്കോട്, കണ്ണൂര്‍ കാസര്‍കോട് ജില്ലകളിലും മറ്റന്നാള്‍ മലപ്പുറത്തും കണ്ണൂരും കൂടി ഓറഞ്ച് അലര്‍ട്ടിലാണ്. കേരളത്തിന്റെ തീരമേഖലയില്‍ 60 കിലോമീറ്റര്‍ വരെ വേഗത്തില്‍ കാറ്റ് വീശാന്‍ സാധ്യതയുണ്ട്. മത്സ്യബന്ധനത്തിന് വിലക്ക് ഏര്‍പ്പെടുത്തി.