വടകര: രാഗമാലിക സോഷ്യല്‍ ചാരിറ്റബിള്‍ സൊസൈറ്റിയുടെ 15-ാം വാര്‍ഷികത്തിന്റെ ഭാഗമായി യുവകലാകാരന്‍മാരെ അനുമോദിച്ചു. ഇത്തവണത്തെ ബി സോണ്‍ കലാതിലകം അനുനന്ദയ്ക്ക് യാറ അബു സമ്മാനം നല്‍കി. ബാലതാരം അമല്‍ദേവ്, മാസ്റ്റര്‍ മുഹമ്മദ് അയന്‍ എന്നിവര്‍ക്ക് കൊറിയോഗ്രാഫര്‍ വിനു മാസ്റ്റര്‍ ഉപഹാരം നല്‍കി. ചടങ്ങ് കവി ഗോപി നാരായണന്‍ ഉദ്ഘാടനം ചെയ്തു. ബിജു അയനിക്കാട് അധ്യക്ഷനായി. വിജീഷ് ലിയോ, താജു റെജില്‍ സംസാരിച്ചു. സജീവ് മന്തരത്തൂര്‍ സ്വാഗതവും ശ്രീരാഗ് നന്ദിയും പറഞ്ഞു. തുടര്‍ന്ന് രാഗമാലിക സമ്മര്‍ ഡാന്‍സ് ക്യാംപ് നടന്നു.