മേപ്പയ്യൂര്‍: ചെറുവണ്ണൂര്‍ പഞ്ചായത്തിലെ വിവിധ കടവുകളില്‍ മണല്‍കടത്ത് വ്യാപകമാവുന്നു. പെരിഞ്ചേരിക്കടവ്, മൂഴിക്കല്‍ കടവ്, പ്രാണി മുണ്ടക്കല്‍കടവ്, പൂവ്വത്തിന്‍ ചോട്ടില്‍ കടവ് എന്നിവിടങ്ങളിലാണ് പകലും രാത്രിയിലുമായി വ്യാപകമായ മണല്‍കടത്ത് നടക്കുന്നത്. മണല്‍മാഫിയാ സംഘത്തിനു പിന്നില്‍ പ്രത്യേക സ്‌ക്വാഡ് തന്നെ പ്രവര്‍ത്തിക്കുന്നുണ്ടെന്ന് പൊലിസ് പറയുന്നു. പൊലിസിന്റെ നീക്കുപോക്കുകള്‍ നിരീക്ഷിക്കാന്‍ മേപ്പയൂര്‍ മുതല്‍ കടവുകള്‍ വരെ ഒട്ടേറെ പേര്‍ ഈ സ്‌ക്വാഡിലുണ്ട്.
കഴിഞ്ഞ ദിവസം മേപ്പയൂര്‍ എസ്.ഐ മഫ്തിയില്‍ ഓട്ടോറിക്ഷയില്‍ എത്തിയാണ് പെരിഞ്ചേരി കടവ് പരിസരത്തുനിന്ന് ഉച്ചയ്ക്ക് മണല്‍ കയറ്റി വരികയായിരുന്ന നിസാന്‍ ലോറി പിടികൂടിയത്. പൊലിസിനെ കണ്ടയുടനെ ലോറി ഡ്രൈവര്‍ വാഹനം ഉപേക്ഷിച്ച് ഓടി രക്ഷപ്പെട്ടു. മേപ്പയൂര്‍ എസ്.ഐ ജി.എസ് അനില്‍, സി.പി.ഒ കെ.പി സുമേഷ് എന്നിവരാണ് മണല്‍ ലോറി പിടിച്ചെടുത്തത്. മണലും ലോറിയും കസ്റ്റഡിയിലെടുത്തിട്ടുണ്ട്.