മാള: മാള കെ.എസ്.ആര്‍.ടി.സി ബസ് സ്റ്റാന്‍ഡിനടുത്തുള്ള പറമ്പിലുണ്ടായ തീപിടിത്തം പരിഭ്രാന്തി പരത്തി. കഴിഞ്ഞ ദിവസം രാത്രി ഒന്‍പത് മണിക്കാണ് സംഭവം. ബസ് സ്സ്റ്റാന്‍ഡിനുള്ളില്‍ ഡീസല്‍ പമ്പും ഓട്ടം കഴിഞ്ഞ് നിര്‍ത്തിയിട്ടിരുന്ന 40ല്‍ അധികം ബസുകളും ഉള്ളതിനാല്‍ കണ്ട് നിന്നവര്‍ പരിഭ്രാന്തരായി.
കാറ്റ് ഇല്ലാത്തതുകൊണ്ടാണ് ബസ്സ്റ്റാന്‍ഡിലേക്ക് തീ പടരാതിരുന്നത് എന്ന് ദൃക് സാക്ഷികള്‍ പറയുന്നു. അഞ്ജാതമായൊരു കാറിലാണ് കത്തിച്ച വസ്തു കൊണ്ടു വന്നത്.
സാധാരണ തീ കത്തുന്നതിലും കൂടുതല്‍ വെളിച്ചവും നിറവും ഉണ്ടായിരുന്നത് ദുരൂഹത വര്‍ധിപ്പിക്കുന്നു. നീരീക്ഷണ സംവിധാനങ്ങള്‍ ഒന്നുംതന്നെ ഇല്ലാതിരുന്നതാണ് ആള്‍ സഞ്ചാരമുണ്ടായിരുന്ന സമയത്തും മാലിന്യങ്ങള്‍ കൊണ്ടുവന്ന് ഇവിടെ തള്ളപ്പെടാന്‍ കാരണം.