വാടാനപ്പള്ളി: വാടാനപ്പള്ളിയില്‍ ഹോട്ടലുകളില്‍ ആരോഗ്യവകുപ്പ് പരിശോധന നടത്തി. പരിശോധനയില്‍ പഴകിയ ഭക്ഷണം, എണ്ണ ,കാലാവധി കഴിഞ്ഞ സോഫ്റ്റ് ഡ്രിങ്ക്‌സ് എന്നിവ പിടിച്ചെടുത്ത് നശിപ്പിച്ചു.   ശുചിത്വമില്ലാതെയും വൃത്തിഹീനമായ രീതിയിലും പ്രവര്‍ത്തിക്കുന്ന നാലു സ്ഥാപനങള്‍ക്ക് നോട്ടിസ് നല്‍കി. കൂടാതെ വാടാനപ്പള്ളി ദേവസ്വം ഭൂമിയിലേക്ക് മാലിന്യം ഒഴുക്കിവിടുന്ന രണ്ട് ഹോട്ടലുകള്‍ക്ക് ഷോക്കോസ് നോട്ടിസ് നല്‍കി.
വാടാനപ്പള്ളി ഗ്രാമപഞ്ചായത്തിലെ ഹോട്ടലുകള്‍, കൂള്‍ബാര്‍, ബേക്കറി,ഫിഷ് സ്റ്റാള്‍,മീറ്റ് സ്റ്റാള്‍ എന്നിവിടങ്ങളിലാണ് തൃത്തല്ലൂര്‍ സാമൂഹ്യ ആരോഗ്യ കേന്ദ്രം ഹെല്‍ത്ത് സൂപ്പര്‍ വൈസര്‍ കെ രാമദാസിന്റെ നേതൃതത്തില്‍ പരിശോധന നടത്തിയത്.
 ഹോട്ടലുകളില്‍ തിളപ്പിചാറിയ വെള്ളം മാത്രമേ കുടിക്കാന്‍ നല്‍കാവൂ എന്നും ഹോട്ടലുകളിലും ബേക്കറികളിലും ജോലി ചെയ്യുന്ന ഇതര സംസ്ഥാന തൊഴിലാളികള്‍ക്ക് രജിസ്റ്ററും,ഹെല്‍ത്ത് കാര്‍ഡും നിര്‍ബന്ധമാക്കിയതായും ആരോഗ്യ വകുപ്പ് അധികൃതര്‍ അറിയിച്ചു. ഇതര സംസ്ഥാന തൊഴിലാളികളുടെ താമസ സ്ഥലങ്ങളിലും സംഘം പരിശോധന നടത്തി.
ഹെല്‍ത്ത് ഇന്‍സ്‌പെക്ടര്‍ ഗോപകുമാര്‍, ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാരായ മൊയ്തീന്‍, രമേഷ് , നിഷന്‍ , ബിനോയ് തുടങിയവര്‍ പരിശോധനകള്‍ക്ക് നേതൃത്വം നല്‍കി.