കണ്ണൂര്‍: കേരളം കണ്ടതില്‍വച്ച് ഏറ്റവും കഴിവുകെട്ട ഭരിക്കാനറിയാത്ത ഒരു മുഖ്യമന്ത്രിയാണ് പിണറായി വിജയനെന്ന് ജില്ലാ കോണ്‍ഗ്രസ് അധ്യക്ഷന്‍ സതീശന്‍ പാച്ചേനി.
വൈദ്യുതി ചാര്‍ജ് വര്‍ധനവിനെതിരേ കോണ്‍ഗ്രസ് സംസ്ഥാന നേതൃത്വം ആഹ്വാനം ചെയ്ത പ്രക്ഷോഭസമരത്തിന്റെ ഭാഗമായി കണ്ണൂര്‍ ബ്ലോക്ക് കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ വൈദ്യുതി ഭവനു മുന്നില്‍ നടത്തിയ ധര്‍ണ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ജനദ്രോഹ നടപടികള്‍ തുടരുന്നതിനോടൊപ്പം കേരളത്തിലെ ജനങ്ങളെയും പ്രത്യേകിച്ച് സ്ത്രീകളെ അവഹേളിക്കുകയും ചെയ്യുന്ന മന്ത്രിമാരും മുഖ്യമന്ത്രിയുമാണ് ഇവിടെ ഭരിക്കുന്നത്. കെ.വി രവീന്ദ്രന്‍ അധ്യക്ഷനായി. വി.വി പുരുഷോത്തമന്‍, കെ.സി മുഹമ്മദ് ഫൈസല്‍, സുരേഷ് ബാബു എളയാവൂര്‍, സി.ടി ഗിരിജ, മീറാ വല്‍സന്‍, രാജീവന്‍, മനോഹരന്‍ താളിക്കാവ്, സത്യനാഥ്, പി.എ ഹരി, കെ ബിനോജ്, വി രമേശന്‍ പങ്കെടുത്തു.