മുല്ലപ്പെരിയാര്‍ അണക്കെട്ടിലെ ജലനിരപ്പ് 136 അടി പിന്നിട്ടു. ഇന്നലെ രാത്രിയിലെ കണക്കുപ്രകാരം 136.1 അടിയാണ് ജലനിരപ്പ്. ജലനിരപ്പ് 142 അടിയായി ഉയര്‍ത്തുന്നതിന് മുമ്പ് നിജപ്പെടുത്തിയിരുന്ന ജലനിരപ്പ് 136 അടിയായിരുന്നു. 

ഈ അളവിലാണ് അന്ന് സ്പില്‍വേ ഷട്ടറുകള്‍ ക്രമീകരിച്ചിരുന്നത്. മഴ കുറഞ്ഞതോടെ രണ്ട് ദിവസമായി സാവധാനമാണ് ജലനിരപ്പ് ഉയുരുന്നത്. തമിഴ്‌നാട് കൊണ്ടുപോകുന്ന വെള്ളത്തിന്റെ അളവും കൂട്ടിയിട്ടുണ്ട്.

സെക്കന്റില്‍ 5240 ഘടയടി വെള്ളം ഒഴുകിയെത്തുമ്പോള്‍ 2010 ഘടയടി വീതമാണ് തമിഴ്‌നാട് കൊണ്ടുപോകുന്നത്. 2018 ഓഗസ്റ്റ് 14 അര്‍ദ്ധരാത്രിയില്‍ മുന്നറിയിപ്പില്ലാതെ മുല്ലപ്പെരിയാര്‍ ഡാമിലെ വെള്ളം സ്പില്‍വേയിലൂടെ ഒഴുക്കിയതാണ് പെരിയാറ്റില്‍ പ്രളയത്തിന്റെ തീവ്രത കൂട്ടിയത്.