കണ്ണൂര്‍: ജംഇയ്യത്തുല്‍ മുഅല്ലിമീന്‍ ജില്ലാകമ്മിറ്റി നാളെ മുതല്‍ 15 വരെ ആചരിക്കുന്ന ബറാഅത്ത് രാവ് കാംപയിന്റെ ജില്ലാതല ഉദ്ഘാടനം നാളെ രാവിലെ 7.30ന് മാടായി റെയിഞ്ചിലെ കരമുട്ടം മുനീറുല്‍ ഇസ്‌ലാം മദ്‌റസയില്‍ നടക്കും. സമസ്ത ജില്ലാ വൈസ് പ്രസിഡന്റ് സയ്യിദ് അല്‍മശ്ഹൂര്‍ ഉമര്‍കോയ തങ്ങള്‍ ഉദ്ഘാടനം ചെയ്യും.
സൈതലവി ഫൈസി അധ്യക്ഷനാകും. അബ്ദുസമദ് മുട്ടം വിഷയാവതരണം നടത്തും. അബ്ദുറഹ്മാന്‍ സഅദി പ്രാര്‍ഥനയ്ക്കു നേതൃത്വം നല്‍കും. കെ.വി ഇബ്രാഹിം മൗലവി തദ്‌രീബ് ജനറല്‍ ടോക്ക്    നിര്‍വഹിക്കും.
കെ.സി മൊയ്തു മൗലവി, അഫ്‌സല്‍ രാമന്തളി, നവാസ് ദാരിമി, നജീബ് മുട്ടം, സി.വി അബ്ദുല്‍ ഖാദര്‍, വി.പി.പി ഹമീദ് മാടായി, എം.പി മൊയ്തീന്‍ ഹാജി സംബന്ധിക്കും. കാംപയിനോടനുബന്ധിച്ച് മദ്‌റസാതലങ്ങളില്‍ കുടുംബ സദസുകള്‍, പ്രബന്ധ രചന, ക്വിസ് മത്സരം, തിലാവതുല്‍ ഖുര്‍ആന്‍, ദുആ മജ്‌ലിസ്, മധുര പലഹാര വിതരണം എന്നിവ നടക്കും.