ചങ്ങരംകുളം: ആലങ്കോട് പഞ്ചായത്തില്‍ പ്രസിഡന്റ്, വൈസ് പ്രസിഡന്റ് സ്ഥാനത്തേക്കുള്ള തെരഞ്ഞെടുപ്പുകള്‍ 26ന് നടക്കും. പഞ്ചായത്ത് കോണ്‍ഫറന്‍സ് ഹാളില്‍വച്ച് രാവിലെ 11ന് പ്രസിഡന്റ് സ്ഥാനത്തേക്കും ഉച്ചയ്ക്കു ശേഷം രണ്ടിന് വൈസ് പ്രസിഡന്റ് സ്ഥാനത്തേക്കും തെരഞ്ഞെടുപ്പ് നടക്കും. രണ്ടാഴ്ച മുന്‍പാണ് മുസ്‌ലിംലീഗ് അംഗവും പഞ്ചായത്ത് പ്രസിഡന്റുമായ ആയിഷ ഹസ്സനും കോണ്‍ഗ്രസ് അംഗവും വൈസ് പ്രസിഡന്റുമായ ഇ.ആര്‍ ലിജേഷും രാജിവച്ചത്. ഇനിയുള്ള ഒന്നരവര്‍ഷം കോണ്‍ഗ്രസ് അംഗം പ്രസിഡന്റായും മുസ്‌ലിംലീഗ് അംഗം വൈസ് പ്രസിഡന്റായുമാണ് ഭരണം നടത്തുക.