തേഞ്ഞിപ്പലം: കയറ്റം കയറവെ ചരക്കുലോറി നടുറോഡില്‍ കുടുങ്ങിയതു മൂലം കൂട്ടുമൂച്ചി - ചേളാരി റോഡില്‍ അഞ്ചു മണിക്കൂര്‍ നേരം ഗതാഗത തടസമുണ്ടായി.
ചേളാരിക്കടുത്ത് പാണക്കാട് കയറ്റത്തില്‍ ഇന്നലെ രാവിലെ പത്തിനാണ് കയറ്റം കയറവെ ലോറി വലിമുട്ടി നിന്നത്. ബ്രേക്ക് സംബന്ധമായ തകരാറാണ് വാഹനം കുടുങ്ങാനിടയാക്കിയത്.
എറണാകുളത്തു നിന്നും കാക്കഞ്ചേരി കിന്‍ഫ്രയിലേക്ക് എട്ട് ടണ്‍ ഭാരമുള്ള മല്ലിയുമായി വന്ന ലോറിയാണ് വഴിയില്‍ കുടുങ്ങിയത്. കേടുകള്‍ തീര്‍ത്ത് വൈകുന്നേരം മൂന്നരയോടെയാണ് ലോറി പുറപ്പെട്ടത്.