കുമ്പള: നന്മയുടെ രാഷ്ട്രീയത്തിലൂന്നിയ പുതിയൊരു ഇന്ത്യയെ സൃഷ്ടിക്കാന്‍ രാഹുല്‍ ഗാന്ധിയുടെ നേതൃത്വത്തിലുള്ള കോണ്‍ഗ്രസിനു മാത്രമേ സാധിക്കൂവെന്ന് കെ.എം ഷാജി എം.എല്‍.എ.
ഉത്തരേന്ത്യയില്‍ ബി.ജെ.പി മനുഷ്യരെ മതത്തിന്റെ പേരിലാണ് കൊലപ്പെടുത്തുന്നത്. എന്നാല്‍ സി.പി.എം രാഷ്ട്രീയത്തിന്റെ പേരിലാണ് അരുംകൊലകള്‍ നടത്തുന്നത്. ഇരുപാര്‍ട്ടികള്‍ക്കും ചോര കൊണ്ട് മനുഷ്യരെ വേര്‍തിരിച്ച ചരിത്രമാണുള്ളതെന്നും കെ.എം ഷാജി പറഞ്ഞു.
യു.ഡി.എഫ് സ്ഥാനാര്‍ഥി രാജ് മോഹന്‍ ഉണ്ണിത്താന്റെ തെരഞ്ഞടുപ്പ് പ്രചാരണാര്‍ഥം കുമ്പളയില്‍ നടത്തിയ പൊതുയോഗം ഉദ്ഘാടനം ചെയ്യുകയായിരുന്നു അദ്ദേഹം. എം.സി ഖമറുദ്ദീന്‍, അഡ്വ. സക്കീര്‍ അഹമ്മദ്, ടി.എ മൂസ, മഞ്ചുനാഥ ആള്‍വ സംസാരിച്ചു.