പൊന്നാനി : ഉദ്ഘാടനത്തിനൊരുങ്ങിയ പള്ളപ്രം പാലത്തില്‍ അപകടം. നിയന്ത്രണം വിട്ട കാര്‍ കല്‍ത്തൂണുകള്‍ ഇടിച്ചു തെറിപ്പിച്ചു. മെയ് ദിനത്തില്‍ യാത്രക്കാര്‍ക്കായി തുറന്ന് കൊടുക്കുന്ന പള്ളപ്രം പാലത്തിലാണ് കാര്‍ നിയന്ത്രണം വിട്ട് അപകടമുണ്ടായത്. ശനിയാഴ്ച  പുലര്‍ച്ചെ അഞ്ച് മണിയോടെയാണ് അപകടം.
കോഴിക്കോട്  ഭാഗത്ത് നിന്നും എറണാകുളം ഭാഗത്തേക്ക് പോവുകയായിരുന്ന സ്വകാര്യ കാറാണ് പാലത്തിലെ  കല്‍ത്തൂണുകളില്‍ ഇടിച്ച് അപകടമുണ്ടായത്. നിര്‍മാണം പൂര്‍ത്തീകരിച്ച പാലം ഉദ്ഘാടനത്തിന് മുമ്പായി  അടച്ചിട്ടിരിക്കുകയായിരുന്നു.
പാലത്തിലേക്കുള്ള പ്രവേശന ഭാഗത്ത് കല്ലുകള്‍ ഇട്ട് വാഹനങ്ങള്‍ക്ക് കടന്ന്  പോകാനാവാത്ത രീതിയില്‍ അടച്ചിട്ടിരിക്കുകയാണ്. എന്നാല്‍ ദീര്‍ഘദൂര വാഹനങ്ങളുടെ ശ്രദ്ധയില്‍ ഇത്  പെടാത്തത് മൂലമാണ് അപകടമുണ്ടായത്. അപകടത്തില്‍ കാറിന്റെ മുന്‍ഭാഗത്തിന് കേടുപാടുകള്‍  സംഭവിച്ചിട്ടുണ്ട്. അപകടത്തില്‍ ആര്‍ക്കും പരിക്കില്ല

.