മലപ്പുറം:  നഗരസഭയിലെ പ്രധാനമന്ത്രി ആവാസ് യോജന (പി.എം.എ.വൈ) പദ്ധതിയുടെ  ഭാഗമായി ഗുണഭോക്താക്കള്‍ക്കുള്ള ചെക്ക് വിതരണോദ്ഘാടനം ടൗണ്‍ ഹാളില്‍ നടന്ന ചടങ്ങില്‍ നിയുക്ത എം.പി പി.കെ  കുഞ്ഞാലിക്കുട്ടി നിര്‍വഹിച്ചു.
 പദ്ധതി പ്രകാരമുള്ള 411 ഗുണഭോക്താക്കള്‍ക്ക്  30000 രൂപ വീതം ഗുണഭോക്താക്കളുടെ അക്കൗണ്ടിലേക്ക് ട്രാന്‍സ്ഫര്‍ ചെയ്തു.  കേന്ദ്രസര്‍ക്കാര്‍ വിഹിതമായി 1.5 ലക്ഷം രൂപയും നഗരസഭ, സംസ്ഥാന സര്‍ക്കാര്‍  ഗുണഭോക്തൃ വിഹിതം എന്നിവ 50,000 രൂപ വീതം മൊത്തം ഒരു ലക്ഷം രൂപയാണ്  ധനസഹായം. കുടുംബശ്രീ നോഡല്‍ ഏജന്‍സിയായി നടത്തുന്ന പദ്ധതിയുടെ  മേല്‍നോട്ടം നടത്തുന്നത് അര്‍ബന്‍ ഹൗസിങ് മിഷനാണ്. നഗരസഭാ  ചെയര്‍പേഴ്‌സണ്‍ സി.എച്ച് ജമീല ടീച്ചര്‍ അധ്യക്ഷയായി. നഗരസഭാ ഉപാധ്യക്ഷന്‍ പെരുമ്പള്ളി സൈദ്, സ്ഥിരം സമിതി  ചെയര്‍മാന്‍നായ പരി അബ്ദുല്‍ മജീദ് സംസാരിച്ചു.