സമരത്തില്‍ വിവിധ കോളജുകളില്‍നിന്നുള്ള യൂനിവേഴ്‌സിറ്റി യൂനിയന്‍ കൗണ്‍സിലര്‍മാരും പങ്കെടുത്തു
മലപ്പുറം: കാലിക്കറ്റ് സര്‍വകലാശാല കലോത്സവ ദിനങ്ങളിലെ പരീക്ഷകള്‍ മാറ്റിവയ്ക്കാത്തതിനെതിരേ പ്രതിഷേധം. മലപ്പുറം ഗവ. വനിതാ കോളജിലാണ് യൂനിവേഴ്‌സിറ്റി യൂനിയന്‍ ജില്ലാ എക്‌സിക്യൂട്ടീവ് അംഗം കെ.എം ഇസ്മാഈലിന്റെ നേതൃത്വത്തില്‍ വിദ്യാര്‍ഥികള്‍ വായ മൂടിക്കെട്ടി സമരം നടത്തിയത്.
വിവിധ ഭാഷകളിലെ ഉപന്യാസം, ചെറുകഥ, വാട്ടര്‍ കളര്‍ മത്സരങ്ങള്‍ കഴിഞ്ഞിറങ്ങിയ വിദ്യാര്‍ഥികള്‍ പ്ലക്കാര്‍ഡുകള്‍ ഉയര്‍ത്തിയാണ് പ്രതിഷേധിച്ചത്. സമരത്തില്‍ വിവിധ കോളജുകളില്‍നിന്നുള്ള യൂനിവേഴ്‌സിറ്റി യൂനിയന്‍ കൗണ്‍സിലര്‍മാരും പങ്കെടുത്തു.