കൊണ്ടോട്ടി: ഹജ്ജ് ട്രെയ്‌നര്‍മാര്‍ക്ക് കരിപ്പൂര്‍ ഹജ്ജ് ഹൗസില്‍ പരിശീലനം നല്‍കി.
ഹജ്ജ് കമ്മിറ്റിക്ക് കീഴില്‍ പോകുന്നവര്‍ക്കുള്ള രണ്ടാം ഘട്ട പരിശീലന പരിപാടിയുടെ ഭാഗമായാണ് പരിശീലനം.
ഹജ്ജ് കമ്മിറ്റി അംഗം പ്രൊഫ. എ.കെ.അബ്ദുല്‍ ഹമീദ് ഉദ്ഘാടനം ചെയ്തു. കമ്മിറ്റി അംഗം എ.കെ.അബ്ദുറഹിമാന്‍ അധ്യക്ഷനായി.
ഹജ്ജ് അസി.സെക്രട്ടറി ടി.കെ. അബ്ദുറഹിമാന്‍, കോ-ഓര്‍ഡിനേറ്റര്‍ എന്‍.പി. ഷാജഹാന്‍, അസൈന്‍ എന്നിവര്‍ ക്ലാസെടുത്തു.
ട്രെയിനര്‍മാരായ 49 പേര്‍ക്ക് നേരത്തെ മുംബൈയില്‍ പരിശീലനം നല്‍കിയിരുന്നു.
രണ്ടാംഘട്ട പരിശീലന ക്ലാസ് മെയ് ഒന്നിന് തിങ്കളാഴ്ച മലപ്പുറത്ത് നടക്കും. രണ്ടുമുതലാണ് ക്ലാസുകള്‍ ആരംഭിക്കുക.