കൊച്ചി: ക്ഷേത്രങ്ങള്‍ പിടിച്ചെടുക്കുന്ന സര്‍ക്കാര്‍ നടപടിക്കെതിരേ സംസ്ഥാനവ്യാപകമായി പ്രക്ഷോഭം ആരംഭിക്കുമെന്ന് ഹിന്ദു ഐക്യവേദി സംസ്ഥാന ജനറല്‍ സെക്രട്ടറി ആര്‍.വി ബാബു വാര്‍ത്താസമ്മേളനത്തില്‍ പറഞ്ഞു.
ഭക്തരുടെ എതിര്‍പ്പ് അവഗണിച്ച് ഗുരുവായൂര്‍ പാര്‍ത്ഥ സാരഥി ക്ഷേത്രം ഇതിനകം ഏറ്റെടുത്തു കഴിഞ്ഞു. എറണാകുളം ടി.ഡി ക്ഷേത്രം ഏറ്റെടുക്കാനുള്ള തയാറെടുപ്പിലാണ്. സര്‍ക്കാര്‍ നടപടികളില്‍ പ്രതിഷേധിച്ച് ഗുരുവായൂരില്‍ നാളെ മുതല്‍ പ്രതിഷേധ നാമജപയജ്ഞം സംഘടിപ്പിക്കും. ടി.ഡി ക്ഷേത്രം ഏറ്റെടുക്കുന്നതിനെതിരേ മെയ് നാലിന് ക്ഷേത്രരക്ഷാ സംഗമം നടത്തുമെന്നും അദ്ദേഹം പറഞ്ഞു.