പരപ്പ (കാസര്‍കോട്): പരപ്പ പട്ട്‌ളത്ത് മദ്യപാനത്തിനിടെയുണ്ടായ  വാക്കേറ്റത്തെ തുടര്‍ന്ന് ഒരാള്‍ വെട്ടേറ്റ് മരിച്ചു. തോടംചാലിലെ കീരി രവി എന്ന രവി (48)യാണ് മരിച്ചത്. ഇയാളുടെ ബന്ധുവായ കുഞ്ഞിക്കണ്ണനെ ഗുരുതര പരുക്കുകളോടെ  പരിയാരം ഗവ. മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. രക്തം വാര്‍ന്നൊഴുകിയ നിലയിലായിരുന്നു രവിയുടെ മൃതദേഹം കണ്ടെത്തിയത്.

കഴിഞ്ഞദിവസം  രാത്രി   കുഞ്ഞിക്കണ്ണന്റെ  വീട്ടില്‍വച്ച് ഇരുവരും മദ്യപിച്ചിരുന്നു. ഇതിനിടെയാണ് വാക്തര്‍ക്കമുണ്ടായത്. ബഹളംകേട്ട് രവിയുടെ ഭാര്യ സുശീല എത്തിയപ്പോള്‍ വെട്ടേറ്റ നിലയില്‍ കുഞ്ഞിക്കണ്ണനെ കണ്ടെത്തുകയായിരുന്നു. ഈ സമയം കുഞ്ഞിക്കണ്ണന്റെ വീട്ടില്‍ രവി ഉണ്ടായിരുന്നി

ല്ലെന്ന്  രവിയുടെ ഭാര്യ സുശീല പറയുന്നു. തുടര്‍ന്ന് സുശീല തന്നെയാണ് വീടിന് പുറത്ത് മരിച്ചുകിടക്കുന്ന നിലയില്‍ രവിയുടെ  മൃതദേഹം കണ്ടെത്തിയത്. സംഭവത്തില്‍ പരുക്കേറ്റ  കുഞ്ഞിക്കണ്ണനെ നാട്ടുകാരാണ് ആശുപത്രിയിലെത്തിച്ചത്. 

വിവരമറിഞ്ഞ് ജില്ലാ പൊലിസ് മേധാവി ഡി. ശില്‍പ്പ, കാഞ്ഞങ്ങാട് ഡിവൈ.എസ്.പി. എം. പി വിനോദ് എന്നിവരുടെ നേതൃത്വത്തിലുള്ള പൊലിസ് സംഘം സ്ഥലത്തെത്തി. തോടംചാലിലെ വില്യാട്ട് വീട്ടില്‍ കാവേരി, ചിരുത ദമ്പതികളുടെ മകനാണ് മരിച്ച രവി. മക്കളില്ല. സഹോദരി: രമണി.