ഹരിപ്പാട്: യു.ഡി.എഫ് സ്ഥാനാര്‍ഥി ഷാനിമോള്‍ ഉസ്മാന്റെ ഹരിപ്പാട് നിയോജകമണ്ഡലത്തിലെ തെരഞ്ഞെടുപ്പ് സ്വീകരണ പരിപാടി ജനപങ്കാളിത്തം കൊണ്ട് ശ്രദ്ധേയമായി.
എല്ലാ സ്വീകരണ കേന്ദ്രങ്ങളിലും സ്ത്രീകളുടെയും മുതിര്‍ന്നവരുടെയും സജീവ സാന്നിധ്യമുണ്ടായിരുന്നു.
നിരവധി സ്ഥലങ്ങളില്‍ ബൈക്ക് റാലികള്‍ നടന്നു. ചേപ്പാട് മണ്ഡലത്തിലെ ഐരുട്ടില്‍ ശാസ്താക്ഷേത്രത്തിന് സമീപം നടന്ന സ്വീകരണ സമ്മേളനം പ്രതിപക്ഷ നേതാവ് രമേശ് ചെന്നിത്തല ഉത്ഘാടനം ചെയ്തു. ബി ബാബു പ്രസാദ്, ജോണ്‍ തോമസ്, എന്നിവര്‍ പ്രസംഗിച്ചു. തുടര്‍ന്ന് ചേപ്പാട്, പള്ളിപ്പാട്,ഹരിപ്പാട് തെക്ക്, ഹരിപ്പാട് വടക്ക്, ചെറുതന, കരുവാറ്റ എന്നീ മണ്ഡലങ്ങളിലെ സ്വീകരണ പരിപാടിയില്‍ പങ്കെടുത്തു.
സമാപന സമ്മേളനം കരുവാറ്റ മണ്ഡലത്തിലെ തപസ്യയില്‍ നടന്നു.