മണ്ണാര്‍ക്കാട്: എം.ഇ.എസ് ഹയര്‍ സെക്കന്‍ഡറി സ്‌കൂള്‍ പ്ലസ് വണ്‍ വിദ്യാര്‍ഥിയായ ജുനൈദിന് സഹപാഠികള്‍ നിര്‍മ്മിച്ചു നല്‍കുന്ന സ്‌നേഹ വീടിന്റെ താക്കോല്‍ദാനം ഇന്ന് രാവിലെ 10മണിക്ക് എം.ഇ.എസ് സംസ്ഥാന പ്രസിഡന്റ് ഫസല്‍ ഗഫൂര്‍ നിര്‍വ്വഹിക്കും.
ജുനൈദിന്റെ പിതാവ് കുഞ്ഞാലിയുടെ മരണത്തെ തുടര്‍ന്ന് വീട് സന്ദര്‍ശിക്കാനെത്തിയ സ്‌കൂളിലെ വിദ്യാര്‍ഥികളും, അധ്യാപകരും ജുനൈദിന്റെ വീടിന്റെ ശോചനീയാവസ്ഥ കണ്ടാണ് കൂട്ടുകാരന് തലചായ്ക്കാനൊരിടം നിര്‍മ്മിച്ചു നല്‍കാന്‍ തീരുമാനിച്ചത്. വിദ്യാര്‍ഥികള്‍ക്കൊപ്പം, അധ്യാപകരും, പി.ടി.എയും, മാനേജ്‌മെന്റും കൈകോര്‍ത്താണ് പയ്യനെടം കാരാപ്പാടത്ത് സ്‌നേഹ വീട് ഒരുക്കിയിരിക്കുന്നത്. ചടങ്ങില്‍ പ്രമുഖര്‍ പങ്കെടുക്കും.