കോഴിക്കോട്: ആനന്ദ് ചെസ്സ് അക്കാദമി കോഴിക്കോട് സൗത്ത് കാലിക്കറ്റ് റോട്ടറി ക്ലബുമായി സഹകരിച്ച് നടത്തുന്ന ദേശീയ ചെസ്സ് ടൂര്‍ണമെന്റിന് കോഴിക്കോട് തുടക്കം. വേള്‍ഡ് ചെസ് ഫെഡറേഷന്റെ അംഗീകാരത്തോടെ നടത്തുന്ന 12ാമത് ടൂര്‍ണമെന്റാണിത്. വിജയിക്ക് രണ്ട് ലക്ഷം രൂപയുടെ ക്യാഷ് പ്രൈസ് സമ്മാനിക്കും. 12 സംസ്ഥാനങ്ങളില്‍ നിന്നായി 350ല്‍ അധികം താരങ്ങള്‍ മാറ്റുരയ്ക്കും. പ്രായഭേദമന്യ സ്ത്രീകള്‍ക്കും പുരുഷന്‍മാര്‍ക്കും മത്സരത്തില്‍ പങ്കെടുക്കാം. മൂന്ന് റൗണ്ട് മത്സരങ്ങള്‍ ഇന്നലെ പൂര്‍ത്തിയായി. ആറ് തവണ കേരള ചാംപ്യനായ ഒ.ടി അനില്‍കുമാര്‍ ഉദ്ഘാടനം ചെയ്തു. പി.രതീഷ് അധ്യക്ഷനായി. ടൂര്‍ണമെന്റ് നാളെ സമാപിക്കും.