തിരുവനന്തപുരം: ദൈവത്തിന്റെ പേരു പറയുന്നവരെ കേരളത്തില്‍ ഇടത് സര്‍ക്കാര്‍ ജയിലിലടയ്ക്കുകയാണെന്ന് പ്രധാനമന്ത്രി നരേന്ദ്രമോദി. തിരുവനന്തപുരത്ത് സെന്‍ട്രല്‍ സ്റ്റേഡിയത്തില്‍ ബി.ജെ.പിയുടെ തെരഞ്ഞെടുപ്പ് പരിപാടിയില്‍ സംസാരിക്കുകയായിരുന്നു നരേന്ദ്രമോദി.

വിശ്വാസം സംരക്ഷിക്കാന്‍ ആവുന്നതെല്ലാം ചെയ്യും. അതിനെല്ലാം കോടതി മുതല്‍ പാര്‍ലമെന്റ് വരെ പോരാടുമെന്ന് മോദി പറഞ്ഞു. കേരളം ഭരിക്കുന്നത് കൊലപാതക രാഷ്ട്രീയത്തിന്റെ ആളുകളാണ്. കൊലപാതക രാഷ്ട്രീയം കേരളത്തിന്റെ സംസ്‌കാരമല്ലെന്നും അദ്ദേഹം പറഞ്ഞു. രാജ്യം ബി.ജെ.പി ഭരണത്തില്‍ സുരക്ഷിമാണെന്നും മോദി പറഞ്ഞു.