കോഴിക്കോട്: തെരഞ്ഞെടുപ്പില്‍ നഗ്നമായ അഴിമതിയാണ് നരേന്ദ്ര മോദി നടത്തുന്നതെന്നും തെരഞ്ഞെടുപ്പിനെ പണക്കൊഴുപ്പു കൊണ്ടും കേന്ദ്ര ഏജന്‍സികളെ കൊണ്ടും നേരിടാനാണ് ബി.ജെ.പി ശ്രമിക്കുന്നതെന്നും എ.ഐ.സി.സി ജന. സെക്രട്ടറി കെ.സി വേണുഗോപാല്‍. കോഴിക്കോട് പ്രസ് ക്ലബ് സംഘടിപ്പിച്ച 'ലോക്‌സഭാ 2019' മീറ്റ് ദി പ്രസില്‍ സംസാരിക്കുകയായിരുന്നു അദ്ദേഹം. തെരഞ്ഞെടുപ്പില്‍ പരാജയപ്പെടുമെന്ന ഭീതി തിരിച്ചറിഞ്ഞതുകൊണ്ടാണ് കേന്ദ്രസര്‍ക്കാര്‍ ആദായനികുതി വകുപ്പിനെ ഉപയോഗപ്പെടുത്തുന്നത്. ആദായനികുതി വകുപ്പിനേയും സി.ബി.ഐയേയും ഉപയോഗിച്ച് രാഷ്ട്രീയ എതിരാളികളെ ഉന്മൂലനം ചെയ്യാന്‍ ശ്രമിക്കുകയാണെന്നും വേണുഗോപാല്‍ പറഞ്ഞു.