രാഹുല്‍ എത്തിയപ്പോള്‍ പിണറായിയുടെ സമനില തെറ്റി

കൊല്ലം: രാഹുല്‍ ഗാന്ധി വയനാട്ടില്‍ മത്സരിക്കാനെത്തിയപ്പോള്‍ പിണറായിക്ക് സമനില തെറ്റിയെന്നും പാര്‍ലമെന്റ് തെരഞ്ഞെടുപ്പില്‍ സംസ്ഥാനത്ത് ഇടതുമുന്നണി കാഴ്ചക്കാരാണെന്നും മുതിര്‍ന്ന കോണ്‍ഗ്രസ് നേതാവ് എ.കെ ആന്റണി.

കണ്ടകശനി ബാധിച്ച മുന്നണി ലോക്‌സഭാ തെരഞ്ഞെടുപ്പില്‍ തോറ്റാല്‍ പിണറായിയുടെ അഹങ്കാരം കുറയുമെന്നും കൊല്ലം പ്രസ് ക്ലബ് സംഘടിപ്പിച്ച ജനവിധി-2019 സംവാദത്തില്‍ സംസാരിക്കുകയായിരുന്നു അദ്ദേഹം. തെരഞ്ഞെടുപ്പില്‍ കോണ്‍ഗ്രസിനും സഖ്യകക്ഷികള്‍ക്കും മികച്ച വിജയം ലഭിക്കും. എത്ര സീറ്റ് കിട്ടുമെന്ന് പറയാന്‍ താന്‍ ജ്യോത്സ്യനല്ല.കേരളത്തില്‍ ബി.ജെ.പി അക്കൗണ്ട് തുറക്കില്ല. ലോക്‌സഭാ തെരഞ്ഞെടുപ്പ് ഫലം വരുമ്പോള്‍ മോദിയും പിണറായിയും ഞെട്ടുമെന്നും ആന്റണി പറഞ്ഞു.