കടമേരി: കടമേരി റഹ്മാനിയ്യ സ്ഥാപനങ്ങളുടെ റെക്ടറായും സ്ഥാപനത്തില്‍ നിന്നും പുറത്തിറങ്ങുന്ന അല്‍ ഇഫാദ അറബിക് മാഗസിന്റെ മാനേജിങ് എഡിറ്ററായും പാണക്കാട് സയ്യിദ് അബ്ബാസലി ശിഹാബ് തങ്ങളെ തെരഞ്ഞെടുത്തു. അറബിക് കോളജ്, വനിതാ കോളജ്, ബോര്‍ഡിഗ് മദ്‌റസ, അഗതി വിദ്യാ കേന്ദ്രം, പബ്ലിക് സ്‌കൂള്‍, ഹൈസ്‌കൂള്‍, ഹയര്‍ സെക്കന്‍ഡറി സ്‌കൂള്‍ തുടങ്ങി റഹ്മാനിയ്യയുടെ വിവിധ വിദ്യാഭ്യാസ സംവിധാനങ്ങളുടെ റെക്ടറായാണ് തങ്ങള്‍ തെരഞ്ഞെടുക്കപ്പെട്ടത്.
പാണക്കാട്ട് നടന്ന ചടങ്ങില്‍ സയ്യിദ് ഹൈദരലി ശിഹാബ് തങ്ങള്‍, എം.ടി അബ്ദുല്ല മുസ്‌ലിയാര്‍, എസ്.പി.എം തങ്ങള്‍, ഇബ്രാഹീം മുറിച്ചാണ്ടി, സി.എച്ച് ഹമീദ് മുസ്‌ലിയാര്‍, നാളോങ്കണ്ടി അബ്ദുറഹ്മാന്‍ മുസ്‌ലിയാര്‍, റാഫി റഹ്മാനി പുറമേരി തുടങ്ങിയവര്‍ സംബന്ധിച്ചു.