കോഴിക്കോട്: മോദിയുടെ വാഗ്ദാനങ്ങള്‍ ഉള്ള് പൊള്ളയായ മുളപോലെയാണെന്ന് കോണ്‍ഗ്രസ് നേതാവും പഞ്ചാബ് മന്ത്രിയുമായ നവ്‌ജോത് സിങ് സിദ്ദു.
എന്നാല്‍ രാഹുല്‍ ഗാന്ധി നടപ്പിലാക്കാന്‍ കഴിയുന്ന വാഗ്ദാനം പറഞ്ഞ് സാധാരണക്കാര്‍ക്കൊപ്പം നിന്ന് പ്രവര്‍ത്തിക്കുകയാണ്. അകത്തും പുറത്തും ഒരുപോലെ മധുരമൂറുന്ന തേന്‍കരിമ്പാണ്. സാധാരണക്കാരുടെ കൂടെ നിന്ന് കോണ്‍ഗ്രസ് രാജ്യത്തെ തിരിച്ചുകൊണ്ടുവരുമെന്നും സിദ്ദു വാര്‍ത്താസമ്മേളനത്തില്‍ പറഞ്ഞു.

അഞ്ചുവര്‍ഷം കൊണ്ട് രാജ്യത്തെ വന്‍കിട കോര്‍പറേറ്റുകളെ ലാഭത്തില്‍ നിന്നും കൊള്ള ലാഭത്തിലേക്കെത്തിച്ച അവരുടെ മാത്രം ഉറ്റസുഹൃത്താണ് നരേന്ദ്ര മോദി. സാധാരണക്കാരന് ലഭിക്കേണ്ട കോടിക്കണക്കിന് രൂപയാണ് കോര്‍പറേറ്റുകള്‍ സ്വന്തമാക്കിയതെന്നും അദ്ദേഹം പറഞ്ഞു.
കെ.പി.സി.സി വൈസ് പ്രസിഡന്റ് ലാലി വിന്‍സെന്റ്, കെ.എസ്.യു സംസ്ഥാന പ്രസിഡന്റ് കെ.എം അഭിജിത്ത്, അഡ്വ. പി.എം നിയാസ്, കെ.പി ബാബു എന്നിവരും വാര്‍ത്താസമ്മേളനത്തില്‍ പങ്കെടുത്തു.