ചെന്നൈ: ലോക്‌സഭാ തെരഞ്ഞെടുപ്പില്‍ രണ്ടാംഘട്ടത്തിന്റെ ഭാഗമായി ഇന്നലെ തമിഴ്‌നാട്ടില്‍ നടന്ന വോട്ടെടുപ്പില്‍ രാവിലെ ആദ്യവോട്ടറായി സമ്മതിദായകാവകാശം രേഖപ്പെടുത്തി തെന്നിന്ത്യന്‍ സൂപ്പര്‍ താരം രജനീകാന്ത്.
ചെന്നൈയിലെ സ്റ്റെല്ലാ മേരീസ് കോളജിലെ പോളിങ് ബൂത്തിലാണ് രജനീകാന്ത് വോട്ട് രേഖപ്പെടുത്തിയത്. രാവിലെ 7.10ഓടെ തന്നെ പോളിംഗ് ബൂത്തിലെത്തിയ രജനീകാന്ത് സമ്മതിദാനാവകാശം വിനിയോഗിച്ചു.
ബൂത്തിനു പുറത്ത് മാധ്യമപ്രവര്‍ത്തകര്‍ തടിച്ചുകൂടിയെങ്കിലും അവരോട് രാഷ്ട്രീയകാര്യങ്ങളില്‍ അഭിപ്രായം പറയാതെ തന്റെ വാഹനത്തില്‍ തന്നെ അദ്ദേഹം മടങ്ങുകയുംചെയ്തു.