ന്യൂഡല്‍ഹി: ബി.ജെ.പി ആസ്ഥാനത്ത് വാര്‍ത്താസമ്മേളനം നടത്തുന്നതിനിടെ ബി.ജെ.പി നേതാവിനുനേരെ ഷൂ എറിഞ്ഞു. ബി.ജെ.പി നേതാവ് ജി.വി.എല്‍ നരസിംഹ റാവുവിന് നേരെയാണ് ഷൂ എറിഞ്ഞത്. മലേഗാവ് പ്രതി പ്രഗ്യാസിങ് താക്കൂറിനെ ഭോപ്പാലില്‍ സ്ഥാനാര്‍ഥിയാക്കിയത് ന്യായീകരിക്കുന്നതിനിടെ മീഡിയാ റൂമിലെത്തിയ ഒരാള്‍ അദ്ദേഹത്തിനുനേരെ ഷൂ എറിയുകയായിരുന്നു. റാവുവിനൊപ്പം ഭൂപേന്ദ്രയാദവും വാര്‍ത്താസമ്മേളനത്തിനുണ്ടായിരുന്നു. എന്നാല്‍ ആരുടെയും ദേഹത്ത് ഷൂ പതിച്ചില്ല. ശക്തി ഭാര്‍ഗവയെന്നയാളാണ് ഷൂ എറിഞ്ഞത്.