ദമാം: ന്യൂമോണിയ ബാധിച്ച് പുത്തൻപള്ളി സ്വദേശി ദമാമിൽ മരണപ്പെട്ടു. മലപ്പുറം പെരുമ്പടപ്പ്  പുത്തൻപള്ളി സ്വദേശി നാലകത്ത് കല്ലേപറമ്പിൽ ഹംസ മകൻ  അഷ്‌റഫ്‌ (57) ആണ് കിഴക്കൻ സഊദിയിലെ ദമാമിൽ ബുധനാഴ്ച മരണപ്പെട്ടത്. ദമാം സമസ്ത ഇസ്‌ലാമിക് സെന്ററിന്റെയും കെഎംസിസിയുടെയും 

സജീവ പ്രവർത്തകൻ ആയിരുന്നു.

 

       പനിയും ശ്വാസതടസ്സവും  മൂലം രണ്ട് ആഴ്ചയോളമായി ദമാം  സെൻട്രൽ ഹോസ്പിറ്റലിൽ ചികിത്സയിൽ ആയിരുന്നു. 35 വർഷമായി ദമാമിൽ ജോലി ചെയ്തു വരുന്ന ഇദ്ദേഹം 3 വർഷം മുമ്പാണ് ഏറ്റവും ഒടുവിൽ നാട്ടിൽ പോയത്. ഷക്കീലയാണ് ഭാര്യ.  മക്കൾ: അജ്മൽ, ഷിബിൽ, ഷെയ്മ. ഉമ്മ: നഫീസ.

 

      നാസർ, ഷെരീഫ് (ഇരുവരും ദുബൈ), യഹ്‌യ, ഫയാസ് (ഇരുവരും ദമാം) തുടങ്ങിയവർ സഹോദരൻമാരും ഷമീറ സഹോദരിയുമാണ്. മയ്യത്ത് ദമാമിൽ ഖബറടക്കുന്നതിന് ദമാം എസ്‌ഐസി, കെഎംസിസി ഭാരവാഹികൾ രംഗത്തുണ്ട്.