ആയഞ്ചേരി: മുസ്‌ലിം ലീഗ് വൈറസ് ആയി തോന്നുന്നത് രാജ്യത്തിന്റെ ചരിത്രമറിയാത്തവര്‍ക്കാണെണ് മുന്‍ ആഭ്യന്തര വകുപ്പ് മന്ത്രി തിരുവഞ്ചൂര്‍ രാധാകൃഷ്ണന്‍. അധികാരം നഷ്ടപ്പെടുന്നവരുടെ വിഭ്രാന്തിയില്‍ വരുന്ന വെറും ജല്‍പനങ്ങള്‍ മാത്രമാണ് ഇത്തരം ആരോപണങ്ങള്‍ക്ക് പിന്നിലെന്നും അദ്ദേഹം പറഞ്ഞു. കടമേരി കീരിയങ്ങാടിയില്‍ നടന്ന യു.ഡി.എഫ് കുടുംബ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ചടങ്ങില്‍ ടി.കെ ഹാരിസ് അധ്യക്ഷനായി. റഷീദ് വെങ്ങളം മുഖ്യപ്രഭാഷണം നടത്തി. യു.ഡി.എഫ് നേതാക്കളായ നൊച്ചാട്ട് കുഞ്ഞബ്ദുല്ല , വി.എം ചന്ദ്രന്‍, പ്രമോദ് കക്കട്ടില്‍, പി.എം അബൂബക്കര്‍, പി.പി റഷീദ്, കിളിയമ്മല്‍ കുഞ്ഞബ്ദുല്ല, ടി.എന്‍ നാസര്‍, മന്‍സൂര്‍ എടവലത്ത്, എന്‍.പി ഉഷ, ബേബി കണ്ണോത്ത്, കാട്ടില്‍ മൊയ്തു, അഡ്വ. ഐ. രാജന്‍, തേറത്ത് കുഞ്ഞികൃഷ്ണന്‍ നമ്പ്യാര്‍, ഹാരിസ് മുറിച്ചാണ്ടി, സി.കെ ഗഫൂര്‍, സി.എച്ച് അഷ്‌റഫ്, തറമല്‍ കുഞ്ഞമ്മദ്, പി.കെ മിനീഷ് എന്നിവര്‍ പ്രസംഗിച്ചു.