വാടാനപ്പള്ളി: നിരോധിത പാന്‍ മസാലയുമായി അഞ്ചാം തവണയും വൃദ്ധന്‍ പിടിയില്‍. തളിക്കുളം എറച്ചം പുരക്കല്‍ ഹമീദ് (65)നെയാണ് വലപ്പാട് പൊലിസും, നാര്‍ക്കോട്ടിക് സെല്ലും ചേര്‍ന്ന് ഇന്നലെ പിടികൂടിയത്. ഇയാളെ തളിക്കുളം സെന്ററില്‍ പഞ്ചായത്തിനു സമീപം വില്‍പ്പനക്കിടെയാണു പിടികൂടിയത്. ഹമീദിനെ നിരോധിത പാന്‍ മസാലകള്‍ വിറ്റതിനു നേരത്തെ നാലുതവണ വലപ്പാട് പൊലിസ് അറസ്റ്റ് ചെയ്തു ജാമ്യത്തില്‍ വിട്ടിരുന്നു.
വീണ്ടും വലിയ വിലക്ക് സുലഭമായി വില്‍ക്കുന്നുവെന്ന വിവരത്തെ തുടര്‍ന്നാണ് ഹമീദിനെ പിടികൂടിയത്.
വലപ്പാട് അഡീഷണല്‍ എസ്.ഐ ബിനു തോമസ്, എസ്.ഐ ജോഷി, നാര്‍ക്കോട്ടിക് സെല്‍ വിഭാഗത്തിലെ അജീഷ് എന്നിവരടങ്ങുന്ന സംഘമാണ് ഇയാളെ പിടികൂടിയത്.